Yula.la ຂ່າວ

ເຈົ້າຂອງທຸລະກິດນ້ອຍໃຫຍ່ ຕ່າງກໍ່ຢາກເປັນທີ່ຮັບຮູ້ແບບກວ້າງຂວາງຕໍ່ສາທາລະນະ ເຂົາເຈົ້າຈຶງນຳໃຊ້ວິທີການໂຄສະນາສິນຄ້າ ຫຼື ບໍລິການໂດຍການຈ້າງບໍລິສັດໂຄສະນາເພື່ອຈັດກົນລະຍຸດໃນການເຜີຍແຜ່ໃນຊ່ອງທາງຕ່າງໆເຊັ່ນປ້າຍໂຄສະນາຫຼືສື່ວິດີໂອ. ແຕ່ສຳລັບທຸລະກິດແບບນ້ອຍອາດຈະບໍ່ມີກຳລັງຊັບໃນການຈ້າງບໍລິສັດເຮັດໂຄສະນາ. 

ການໂຄສະນາກາຍເປັນສິ່ງທີ່ເຂົ້າເຖິງງ່າຍ ຫຼັງມີການພັດທະນາດ້ານດິຈິຕ້ອນຢ່າງຫຼວງຫຼາຍ ເຮັດໃຫ້ທຸກທຸລະກິດສາມາດລົງໂຄສະນະຜ່ານຊ່ອງທາງອອນໄລນ໌ເອງໄດ້. ຢ່າງໃດກໍ່ຕາມ ບໍ່ແມ່ນທຸກທຸລະກິດທີ່ຈະສາມາດຊອກເຫັນຜ່ານການຄົ້ນຫາໃນອິນເຕີເນັດ, ສະນັ້ນເວັບໄຊຕະຫຼາດອອນລາຍ ຫຼື ເວັບໄຊທ໌ໂຄສະນາສິນຄ້າຈຶງເກີດຂຶ້ນເພື່ອສະໜອງຄວາມຕ້ອງການຂອງທຸລະກິດທັ້ງນ້ອຍແລະໃຫຍ່. 

ບົດຄວາມນີ້ເຮົາຈະມາແນະນຳຮູບແບບການໂຄສະນາໃນແບບທີ່ທ່ານສາມາດສ້າງໄດ້ພຽງປາຍນິ້ວຂອງທ່ານ ນັ້ນກໍ່ຄືໂຄສະນາຍ່ອຍ (Classified Advertising)

ໂຄສະນາຍ່ອຍແມ່ນຫຍັງ

ການໂຄສະນາຍ່ອຍ ຫຼື Classified Advertising ຄືການໂຄສະນາທີ່ເຂົ້າເຖິງກຸ່ມເປົ້າໝາຍໂດຍຕົງ ໂດຍຕອບສະໜອງຕໍ່ສິ່ງທີ່ກຸ່ມເປົ້າໝາຍຕ້ອງການ ເຊິ່ງກຸ່ມເປົ້າໝາຍຕ້ອງມີລັກສະນະສະເພາະທີ່ຮ່ວມກຸ່ມກັນໄດ້ເຊັ່ນ ຍານພະຫະນະ, ອະສັງຫາລິມາຊັບ, ເຕັກໂນໂລຊີ ຫຼື ຊອກວຽກ. ຂໍ້ຄວາມໃນໂຄສະນານັ້ນຈະເປັນສິ່ງທີ່ກຸ່ມເປົ້າໝາຍຄົ້ນຫາ ຫຼື ກຳລັງສົນໃຈ.

ການນຳໃຊ້ໂຄສະນາແບບຍ່ອຍຖືເປັນວິທີທີ່ໃຊ້ຄ່າໃຊ້ຈ່າຍໜ້ອຍຫຼືບໍ່ມີເລີຍ ຍິ່ງໄປກວ່ານັ້ນ ຊ່ອງທາງໃນການວາງໂຄສະນາກໍ່ສະດວກສະບາຍ ເຊັ່ນການນຳໃຊ້ສື່ສັງຄົມອອນລາຍນ໌ເຊັ່ນ Facebook Instagram. ນອກຈາກນີ້ກໍ່ຍັງມີເວັບໄຊທ໌ໂຄສະນາສິນຄ້າທີ່ທ່ານສາມາດລົງໂຄສະນາໄດ້ ໂດຍບໍ່ເສຍຄ່າໃຊ້ຈ່າຍ ເຊິ່ງໃນເວັບໄຊທ໌ກໍ່ມີການແບ່ງໝວດໝູ່ ເພື່ອໃຫ້ຜູ້ນຳໃຊ້ສາມາດຊອກສິນຄ້າ ຫຼື ບໍລິການທີ່ຕົງກັບຄວາມຕ້ອງການ.

ວິທີ່ການລົງໂຄສະນາຍ່ອຍນັ້ຍບໍ່ຍາກເລີຍ ພຽງແຕ່:

1. ຂຽນຫົວຂໍ້ສິນຄ້າ ຫຼື ບໍລິການໃຫ້ຊັດເຈນ ແລະ ງ່າຍຕໍ່ການຄົ້ນຫາ

2. ລາຍລະອຽດຂອງສິນຄ້າ ຫຼື ບໍລິການ

3. ລາຍລະອຽດການຕິດຕໍ່ເຊັ່ນເບີໂທ ຫຼື ລິ້ງເພຈຂອງທ່ານ

ເວັບໄຊ yula.la ເອງກໍ່ເປັນເວັບໄຊທ໌ໂຄສະນາສິນຄ້າແລະບໍລິການ ທີ່ທ່ານສາມາດຄົ້ນຫາສິ່ງທີ່ຕ້ອງການໃນໝວດໝູ່ຕ່າງໆ ແລະ ທ່ານຍັງສາມາລົງໂຄສະນະສິນຄ້າຫຼືບໍລິການກັບເວັບໄຊທ໌ເຮົາໄດ້ໂດຍບໍ່ເສຍຄ່າໃຊ້ຈ່າຍ

ອ່ານມາຮອດນີ້ແລ້ວ ທ່ານເລີ່ມສົນໃຈຢາກທີ່ຈະລົງໂຄສະນາໃນຮູບແບບທີ່ສະດວກສະບາຍ ສຳລັບຄົນຊື້ແລະຄົນຂາຍແລ້ວຫຼືຍັງ?

ບົດຄວາມໂດຍ : ວະນິດາ ສຸວັນນະວົງ